Jamita Lukas 15 : 11 - 24

Lukas 15 : 11 – 24

Bangko ni sianggian

Sada bangko sian jolma na tinompa ni Debata ima ndang olo mahap rohana (puas), sai na hurang gok do tongtong di ngoluna. Dimulana i, sonang do jolma i manjalo na pinatupa dohot na niaturhon ni Debata, alai ro ma sibolis i manggoit roha ni jolma i, gabe manggunjal ma rohana. Gabe tubu ma pangarimangrimangion di rohana, molo boi do dos dohot Debata, boasa ndang niulahon. Ima sibonsiri umbahen na gabe memberontak jolma i tu Debata gabe madabu tu bagasan dosa.

Bangko ni jolma na parjolo i, sai turunhon do tongtong tu pinomparna mambahen jolma i ndang marna mahap rohana di ngolu on. Lalap sai hurangan, hurang gok jala hurang singkop. Nang pe nian nunga tung godang pasupasu ni Debata na jinalona, sai tongtong dope hurang gok jala hurang singkop. Ala ni ido, umbahen na sai loja marsiadu tongtong jolma i manjalahi di ngoluna, anggiat tung gok jala singkop nian, hape sai didusdus mangadu tu jolo, sai tong ndang mar na sahat jala ndang mar na singkop. Tangkas do i di soarahon di Poda ni Raja Samolo 27 : 20 [  Parbeguan dohot banua toru ndang olo mahap, mata ni jolma pe, ndang olo marmahapmahap. Jadi sian mulana pe, ndang na olo mahap anggo hajolmaon on, nang di sinamot, di pangkat, di jabatan, hamoraon dohot nang na asing. Tangkas do sisongon i di dok Parjamita 5 : 9 ]  Manang ise na holong roha di perak, ndang olo marnamahap di perak, jala manang ise * na holong roha di hamoraon ndang tagamon gabe parsaulianna. Nang i hata oto do i. (Siapa mencintai uang tidak akan puas dengan uang, dan siapa mencintai kekayaan tidak akan puas dengan penghasilannya. Ini pun sia-sia.)

Suang songon i do bangko ni sianggian i, ndang olo mahap rohana. Anggo mangihuthon paretongan ni deba halak, nunga sonang ngoluna, terpenuhi sude angka pangidoanna ala sahalak na mora jala na sangap do natorasna. Alai ndang songon i anggo roha ni anak sianggian i. Nang pe naung gok mangihuthon roha ni torop halak, alai anggo ibana, hurang gok dope. Adong sada na sungkot di bagasan rohana, ndang ibana mangarajai angka artanai, ndang boi ibana palahohon hombar tu lomo ni rohana ai rap dope ibana dohot amana. Jadi hurang di ibana kebebasan laho mengelola sandiri angka sinamotna hombar tu lomo ni rohana.

PEMBERONTAKAN MENIMBULKAN PENDERITAAN

Songon jolma na parjolo i, aut sugari sabam rohana manjalo jala mangoloi na niaturhon ni Debata, ndang dabuhonon ni Debata uhum tu ibana. Dang dohonon ni Debata “Ingkon hir hodokmu manganhon sipanganonmu............”. Molo tongtong ibana mian di Debata, diparade Debata do nasa na ringkot di ngoluna, gabe sonang ma ibana jala mangolu di adopan ni Debata. Alai ala ketidakpuasan, gabe tubu ma pemberontakan, jala laos ima na mamboan jolma i tu penderitaan saleleng ngoluna paima mulak ibana gabe tano. Pemberontakanna i ndang didasari oleh pemahaman dohot pengertian na jelas, alai semata-mata ala keinginan sesaat tanpa pemikiran yang mendalam. Didok rohana, asa boi ma saluhutna patupaonhu hombar tu lomo ni rohana, ndang adong perhitungan untung dohot rugina. Asa boi nian bebas mangihuthon lomona, dipangido anak sianggian i ma tohapna. Jala dung dijalo ibana tohapna i, songon dasor ni pemberontakan i, ndang ala ni kematangan berfikir dohot rencana naung denggan, pintor jalo do digadis ibana nasa na adong di ibana jala dipasuda hombar tu lomo ni rohana. Ndang adong perhitungan akan masa depan dohot angka na naeng siulahononhon tu joloan on, ala na manggohi rohana ima, nunga bebas au, boi ma guru dok ni rohana patupaonna, ai nunga ibana be mangarajai arta i.

Akibat ni saluhutna ima “Penderitaan”. Pengambilan keputusan na so didasari perhitungan dan pertimbagan yang matang, akan mendatangkan penderitaan, apalagi molo na nionjar ni keinginan ingin bebas dan berkuasa sepenuhnya tanpa tahu arah dan tujuan dari kehidupan. Keputusan ala ni keinginan sesaat dohot ala ni keserakahan selalu marhapatean tu hasusaan. Ndang holan di portibi on, sahat do nang di banua ginjang sogot. Epesus 5 : 5 didokdo  “Ai boto jala ingot hamu ma: Anggo di harajaon ni Kristus dohot Debata, ndang adong siteanon ni parmainan manang parhodar, manang parroha na ahut; ai sioloi na so Debata do i.”. Jadi penderitaan ala ni keinginan sesaat dohot keserakahan manongtong do i mamungka sian portibi on sahat tu harajaon ni Debata ai ndang partohap be angka sisongon i di Harajaon ni Debata.

MULAK, MULAK MA HO

Tangkas do joujou ni Tuhan i “Ro ma hamu tu Ahu, hamu angka na loja jala na sorat, asa hupasonang hamu (Mateus 11 : 28). Ndang diklasifikasi Debata joujouNa i tu hajolmaon. Ndang holan na loja jala sorat ala ni panggosagosa ni portibion, penindasan dohot pemerasan. Joujou i marlangku do tu sude jolma na loja jala na sorat ala ni manang aha pe na mambahen ibana loja jala sorat. Termasuk tu anak sianggian i, na loja jala sorat ala ni hagiot ni rohana. Dilehon Debata do tingki tu hita asa ro hita mandapothon Debata, patolhashon jala maningganghon saluhut na sorat di ngolunta. Dibagabagahon Debata do naeng marhasonangan ma ngolu ni jolma i di adopan ni Debata. Ndang dihalomohon Debata marhasusaan ngolu ni jolma na tinompaNa i, naeng ma nian marhasonangan, ala ni ido, rade Debata manarihon ngolunta asal ma olo ro tu joloNa pasahathon saluhut na hinolsohon ni rohana (1 Petrus 5 : 7). Ndang sordak dope pintu i, di buha dope tu ganup jolma na olo ro jala na manolsoli dosana. Mulak manadinghon hasalaan dohot hahurangan, mangeahi hangoluan dohot hasonangan na pinarade ni Debat di ngoluna, asal ma rade ibana manjalo dohot mensyukuri na pinasahat ni Debata. Adong sada kepastian, ima sarihonon ni Debata do ngoluna.

KESALAHAN DIBALAS DENGAN PELUKAN

Dung mulak anak sianggian i, ndang sungkunsungkun dibahen amana i laho manjanghon harorona, alai panghaolon dohot pangummaon do (hatop di tomu, dihaol jala di umma). Dibagasan tindakan i, tangkas tarida, nunga lelang dimaafhon amana i hasalaan ni anaknai. Ndang sai pompom di bagasan rohana hasalaan na pinatupa ni anak na sianggian i. Ido na mambahen amana i mampu manghaol dohot mangumma anakna i. Alai laos disi do hagogoon ni “Pelukan dan Ciuman” itu. Pangalaho ni amana i menghancurkan ketakutan na mian di diri ni anakhonna i, jala ndang holan i, laos dihancurhon pangalaho ni amana i do kesombongan dohot keangkuhan di diri ni ianakhonna i.

Di na martahi anak sianggian i mulak tu bagas ni amana, tercermin dope suatu keangkuhan dohot kesombongan di bagasan dirina. Merasa yakin dope ibana, di na mulak mandapothon amana, dia akan diterima nang pe statusna berbeda sian anak gabe anak gajian, alai na pasti akan diterima. Nang pe naung tangkas diongkuhon, naung sala ibana, alai sai mian dope saotiknari keangkuhan dohot pembenaran ni pangalahona. Ndang bulus dope ditanggali ibana angka na roa i sian dirina laho mandapothon amana i, sai naeng dope ibana mangaturhon keinginanna tu amana hape nunga di pihak na marsala ibana. Ndang bulus dope dipasahat ibana dirina tu amana i.

Alai saluhut keangkuhan dohot pembenaran diri ni anak sianggian i, dihancurkan oleh pelukan dan ciuman sian amana i. Dung di haol jala di umma, ndang mampu be mungkap pamangan ni anak sianggian i laho mangido status tu amana i, kecuali holan pengakuan jala penyerahan diri. Holan on na ma na mampu didok ibana “Amang, na mardosa do ahu tu banua ginjang nang dompak ho; ndang tama be ahu goaron anakmu.” Ndang mampu be pamangan ni anak sianggian i laho mandok “Bahen ma ahu songon anak gajianmu sada”. Ndang mampu be anak sianggian i laho mangido posisi di tengah pelukan dan ciuman ni amana i. Saluhutna diruntuhkan jala saluhut dipasahat hibul tu ama i, aha na naeng pamasaonna tu anakhonna i. Di pelukan dan cium ni amana i, nunga berserah diri penuh be anakna i taringot tu nanaeng pamasaon tu ibana.

Pelukan dan ciuman na pinatupa ni amana i, umbagas sian kata maaf. Pelukan dan ciuman mempunyai kekuatan yang dasyat na boi menghancurkan keegoisan, kesombongan dohot ginjang ni roha. Pelukan dan ciuman menghancurkan bangko ni jolma i gabe sepenuhnya berserah tu Debata jala rade manjalo manang aha pe na naeng pamasaon ni Debata di ngoluna.

pdtrudolfsitorus

Jamita 2 Timoteus 4 : 6 - 10

2 Timoteus 4 : 6 – 10

Patujolo

Surat 2 Timoteus ima surat ni Apostel Paulus mandapothon si Timoteus. Di goari Apostel Paulus do si Timoteus songon ianakhonna, alai ndada ianakhon secara pardagingon, ai di 1 Timoteus 1 : 2 didok “anakkonhu na tutu di bagasan haporseaon”. Pernyataan i tubu sian parsaoran dohot barita ni si Timoteus, ai nang pe poso dope ibana (1 Tim 4 : 12) nunga polin ibana mangolu di barita na uli jala marsitutu laho pasahathon barita i. Ala ni ido umbahen na pos roha ni Apostel i maninggalhon si Timoteus gabe parbarita na uli di luat Epesus ( 1 Tim 1 : 3) nang pe torop pangalaho harorangon na masa hatiha i na boi mempengaruhi pola hidup ni angka naposo.

Hatorangan ni Turpuk

Ay : 6   : Di rajumi apostel i, jonok nama tingki hamamatena, ra nunga lam mangararati sahit na adong di pamatangna (Gal 4 : 13) tarlumobi ma na di penjara do apostel i di tingki i. Alai nang pe songon i, ndang mago anggo haporseonna. Hamatean i ndang sesuatu na menakutkan, alai baliksa tahe dipahami songon pelean, ima ngolu na dipasahat tu Debata.

Ay. 7    : Di sude keterbatasan dohot kemampuanna, dirajumi apostel i, nunga sidung sude paraloanna maradophon portibi on. Pemahaman i ndang na mandok, naung singkop barita na uli naung pinasahatna mangihuthon tona ni Tuhan Jesus, sahat tu ujung ni portibi on. Na naeng patangkasonna ima, sian sude ngolu na jinalona sian Debata, nunga dipelehon apostel i gabe pelean laho mangulahon parsuruon ni Tuhan i. Pangantusionna ima : ndang hasasahat ni Barita na Uli tu sandok portibi on na gabe tolak ukur ni paraloanna, alai kemampuanna laho mangalo portibi on na jotjot manosak ibana asa unang laho marbarita na uli. Ido akhir manang ujung ni paraloanna.

Ay. 8    : Ala ni kerja keras dohot parsitutuonna laho mamaritahon barita na uli dalam segala kekurangan dohot keterbatasanna, apostel i yakin na ingkon jaloonna do Tumpal (Mahkota) Hatigoran. Tumpal i ma na menandakan na mangolu do apostel i di bagasan hatigoran ni Debata mangihuthon parsuruonNa jala ndang lemba ibana disi. Nang pe adong angka hahurangan dohot hagaleonna, ndang na mangambati i di na naeng manjalo tumpal ibana. Mansai pos do roha ni apostel i, Debata paruhum na tigor (hakim yang adil) memutuskan na ingkon pasahaton do tumpal tu apostel i marningot hatotogu ni haporseaonna dohot panghangoluhononna di parsuruon ni Tuhan Jesus. Alai laho pahinsathon roha ni si Timoteus dohot angka na porsea, tangkas do muse didok apostel i, ndada holan sada tumpal i, alai diparade Debata do tu angka na manghasiholi hapapatar ni Tuhan Jesus. Manang ise na berjuang di ngolu on laho padirihon tona ni Tuhan Jesus, sai na dapotan do ibana di Tumpal i, ndang ala ni na berhasil ibana mamaritahon barita na uli, alai ala mampu ibana manaluhon portibi on di ngoluna.

Ay. 9 – 10        : Secara Iman, ndang adong be ganggu ni roha ni Apostel i laho manandinghon portibi on, alai secara pardagingon adong dope sihol ni rohana laho pajumpang dohot ianakhon haholongan ni rohana ima si Timoteus. Ra adong dope angka poda na naeng pasahatonna tu si Timoteus di na naeng marujung nama ngoluna, asa boi togu tongtong si Timoteus mangihuthon bogas ni patna songon apostel ni Tuhan i.

Pamingkirion tu Jamita.

1.      Di tingki on, molo dihatai taringot tu Pelean, pintor laho do pingkiran ni torop jolma tu hepeng manang sesuatu benda na dipasahat tu Debata marhite huria i. Sintong do i mangihuthon pemahaman pelean mamungka sian Padan na Robi sahat tu Padan na Imbaru. Alai di Padan na Imbaru, adong pemahaman baru taringot tu Pelean, ndada holan hepeng manang benda, alai na rumingkot gabe pelean ima daging on (tubuh) gabe pelean na mangolu jala na badia (Rom 12 : 1)

2.      Berhasil ima molo jumpang na jinalahan. Artina, molo dung binahen sude gogo dohot pingkiran laho mengusahakan sesuatu, hape ndang jumpang, jotjot do tadok na gagal do i. Alai di Tuhan i, ndang keberhasilan meraih sesuatu na didok keberhasilan, alai parsitutuon ni ganup jolma laho mangulahon parsuruon ni Debata do. Holan manuan dohot pabornokhon do ulaon ni jolma, anggo na patubuhon, Debata do. Jadi tubu manang na ndang, ndang i tolok ukur ni keberhasilan ni pangula ni Debata ai ndang guru di hita i, guru di Debata do. Anggo di angka pangula, marsitutu manang ndang, ido keberhasilan.

3.      Godang ketidakadilan na jumpang hita di tano on, alai nang pe songon i, anggo Debata, tetap do Debata na adil do Ibana na mangalehon keadilan tu tano on.

pdtrudolfsitorusairbersih